ДУРНАМОИ КИШТИ ТИРАМОҲӢ ИҶРО НАШУД

              Душанбе, 20 феврал. (АМИТ «Ховар», Лаззат Диловарзод).- Хоҷагиҳои вилояти Хатлон мувофиқи дурнамои кишоварзӣ мебоист дар майдони 122 ҳазору 240 гектар кишти тирамоҳии зироатҳои ғалладонаро анҷом медоданд, ки аз он 70 ҳазор гектараш заминҳои обӣ буд. Дар амал, то 1-уми январи соли ҷорӣ хоҷагиҳои вилоят дар масоҳати 118 ҳазору 982 гектар ё 97,3 фоиз кишти тирамоҳӣ гузаронида шудааст, ки аз он 48 ҳазору 627 гектарашро заминҳои обӣ ташкил медиҳанд.              Дар вилоят танҳо хоҷагиҳои ҷамъиятию деҳқонии ноҳияҳои Данғараю Ёвон дурнамои кишти тирамоҳии зироатҳои ғалладонаро мутаносибан 100,1 ва 104,3 фоиз иҷро намуданд.