ХАРОҶОТИ БУҶЕТИ НОҲИЯИ МУРҒОБ ЗИЁД МЕГАРДАД

                  Душанбе, 27 феврал. (АМИТ «Ховар», Лаззат Диловарзод).- Бино ба иттилои маркази матбуотии раиси Вилояти Мухтори Кӯҳистони Бадахшон қисми хароҷоти буҷети ноҳияи Мурғоб ҳамасола зиёд карда мешавад.                  Дар солҳои 2005-2008 хароҷоти буҷети ноҳия аз 1858402 сомонӣ ба 4119719 сомонӣ расонида шудааст. Дар буҷети соли 2008 барои муассисаҳои соҳаи иҷтимоӣ ҷиҳати хариди ангишт ва ҳезум 861968 сомонӣ ҷудо шуда бошад, соли ҷорӣ он ба 1миллион сомонӣ расонида шудааст. Ба замми ин, барои хариди ангиштсанг ба соҳаи маориф, тандурустӣ ва фарҳанг маблағи иловагӣ ҷудо гардид.