ХОҶАГИҲОИ КИШОВАРЗӢ БА КИШТИ БАҲОРӢ ОҒОЗ КАРДАНД

                  Душанбе, 13 феврал. (АМИТ «Ховар», Лутфия Эшонқулова).- Тибқи маълумоти фаврӣ ва натиҷаҳои санҷишии гурӯҳҳои кории Вазорати кишоварзии ҶТ соли ҷорӣ дар майдони 134 ҳазору 170 гектар кишти баҳории зироатҳои ғалладонагӣ гузаронида мешавад. То 10 феврал ҳамагӣ дар ҷумҳурӣ дар майдони 11 ҳазору 985 гектар кишти баҳорӣ гузаронида шудааст, ки 8,9 фоизи нақша мебошад ва нисбати соли гузашта 6047 гектар зиёд аст. Дар хоҷагиҳои ҷумҳурӣ ба масоҳати 1050 гектар зироатҳои ғалладона, ки тирамоҳ киштӣ шуда буданд, ғизо дода шуд. Инчунин мувофиқи нақша 657 ҳазору 535 гектар замин шудгор карда шуд, ки 63 %- и нақшаро ташкил медиҳад.                  Бо истифода аз вазъи мусоиди ҳаво кишоварзони вилояти Хатлон дар масоҳати 11263 гектар, ноҳияҳои Турзунзода 93 гектар, Хисор 155 гектар, Шаҳринав 63 гектар ва Рӯдакӣ дар масоҳати 411 гектар ғалладона кориданд.