ИСТИФОДАИ ТАҶРИБАИ ХОҶАГИҲОИ ПЕШҚАДАМ

                 Душанбе, 5 феврал. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, соли 2009 ҳосилнокии ғалла, аз ҷумла гандум аз ҳар гектар ба 45-60 сентнерӣ расонида мешавад.                 Бо ин мақсад аз таҷрибаи хоҷагиҳои пешкадам истифода карда мешавад. Боиси зикр аст, ки соли 2008 хоҷагиҳои ба номи Латиф Муродов, «Москва» ва «50-солагии Октябр»-и ноҳияи Ҳисор, «Чилгазӣ»-и ноҳияи Исфара, ба номи Камол Мирзоалиеви ноҳияи Восеъ бо истифода аз тухмии хушсифат ва агротехникаи пешқадам аз ҳар гектар ғаллазори заминҳои обӣ 45-60 сентнерӣ ҳосил ба даст оварданд.                 Соли ҷорӣ кишоварзони ҷумҳурӣ тибқи дурнамо истеҳсоли галларо ба 963,2 ҳазор тонна, азҷумла гандумро ба 691,8 ҳазор тонна расониданианд.