КӮМАКИ «ТАКОМ» БА ШИФОХОНАҲОИ ВИЛОЯТИ СУҒД

                    Душанбе, 2 феврал. АМИТ «Ховар», Темур Бандишоев). — Ҷамъияти саҳҳомии «Таком» маъракаи хайрияро пеш гирифта, ба баъзе шифохонаҳои мамлакат дар шароити нарасидани қувваи барқ генераторҳои барқии дизелӣ тӯҳфа кард. Генераторҳои тӯҳфакардаи ҷамъияти мазкур имрӯз ба дармонгоҳи рақами панҷум, омӯзишгоҳи касбҳои техникии рақами 31, маркази хунгузаронии шаҳри Хуҷанд, инчунин шифохонаи марказии шаҳри Исфара ва ғайра хизмат мерасонанд.                    Директори генералии Ҷамъияти саҳҳомӣ Игор Климко ба мухбири АМИТ «Ховар» гуфт, ки коргарону мутахассисони он дар шароити нарасидани қувваи барқ ва маҳдуд намудани таъминоти он худро аз душвориҳои фаъолияти муассисаҳои иҷтимоӣ канор гирифта наметавонанд. Бинобарин мо қарор додем, ки то ҳадди имкон ба шифохонаҳо ва мактабҳо дар давраи нарасидани қувваи барқ кӯмак расонем. Ҷамъияти саҳҳомӣ хизматрасонии техникӣ ва бо сӯзишворӣ таъмин намудани генераторҳоро низ ба зиммаи худ мегирад, гуфт вай.                                                                                                                                                   Тарҷумон — Қудратов А.