КАТАЕВ ВАКИЛИ ПАЛАТАИ ПОЁНИИ ПАРЛУМОН ИНТИХОБ ШУД

                      Душанбе, 9 феврал.(АМИТ «Ховар», Марзия Саидова).-Намояндаи Ҳизби Халкӣ-Демократии Тоҷикистон Амир Катаев дар интихоботе, ки 8 феврал дар ҳавзаи якмандатаи интихоботии №4-и ноҳияи Синои шаҳри Душанбе баргузор гардид бо 91 % овозҳо вакили Маҷлиси намояндагони Маҷлиси Олии Ҷумҳурии Тоҷикистон ба ҷойи вакили хориҷшуда интихоб гардид.                     Тибқи иттилои Роҳбари Дастгоҳи Комиссияи марказии интихобот ва райъпурсии ҷумҳурӣ Муҳибулло Додоҷонов ба намояндаи Ҳизби наҳзати Исломии Тоҷикистон Додихудо Абдуллоев беш аз 3 ҳазор интихобкунандагон райъ доданд, ки он 6,7 %-ро ташкил медиҳад. Интихобот дар сатҳи баланд, ба таври шаффоф ва демократӣ гузашта, дар он беш аз 55 ҳазор интихобкунандагон иштирок карданд.                    Қаблан аз ҳавзаи мазкур Каримҷон Қодиров дар Маҷлиси намояндагони Маҷлиси Олии ҷумҳурӣ намояндагӣ мекард, ки 10 ноябр бо Қарори Ҳукумати Ҷумҳурии Тоҷикистон ректори Донишгоҳи давлатии шаҳри Кӯлоб таъин гардид.                   Амир Катаев бошад ректори Донишгоҳи технологии Тоҷикистон буд.