КИШТИ ТИРАМОҲӢ АЗ НАҚША ЗИЁД АСТ

                Душанбе, 5 феврал. (АМИТ «Ховар», Лаззат Диловарзод).- Бино ба маълумоти Раёсати растанипарварии кишоварзӣ, тирамоҳи соли 2008 дар ҳамаи шаклҳои хоҷагидории ҷумҳурӣ кишти тирамоҳӣ аз рӯи нақша анҷом дода шудааст.               Дар тирамоҳи соли 2008 дар масохати 215 ҳазору 819 гектар кишти ғалладона гузаронида шудаааст, ки аз он 127 ҳазору 189 гектараш дар заминҳои обӣ мебошад.               Ҳоло корҳои агротехникӣ ва ғизодиҳии ғаллазорон дар ҷумҳурӣ идома дорад, ки ин омил кафолати ҳосилнокии зироатҳо мебошад.               Ғизодиҳии ғаллаи тирамоҳӣ дар вилояти Суғд 850 гектар ва дар ноҳияи Ҳисор 200 гектарро ташкил медиҳад.Дар вилояти Хатлон бошад ҳанӯз ба ғизодиҳии ғалла оғоз накардаанд.