КИШТУКОРИ БАҲОРИРО БАРРАСӢ МЕНАМОЯНД

                 Душанбе, 10 феврал. (АМИТ «Ховар», Лаззат Диловарзод).- Бо мақсади амалӣ намудани сиёсати аграрии Ҷумҳурии Тоҷикистон ва таъмини амнияти озуқаворӣ, мутахассисони вазорати кишоварзӣ бо супориши вазир Қосим Қосимов дар давоми 3 рӯз бо рафти корҳои саҳроӣ, мушкилоти ҷойдошта ва роҳҳои ҳалли он ба минтақаҳои ҷумҳурӣ сафари корӣ анҷом доданд.                  Маркази матбуот ва иттилооти вазорати мазкур тасмим гирифтааст, ки рӯзи 11-уми феврал аз натиҷаи сафари кории мутахассисон нишасти матбуотӣ доир намуда, ба хабарнигорони дохилу хориҷи кишвар доир ба омодагиҳои кишоварзон ба кишти баҳорӣ ва мушкилоти хоҷагиҳои деҳқонӣ (фермерӣ) иттилои бештаре пешниҳод намояд.