КОРМАНДИ МИЛИТСИЯ ДАСТ БА ҶИНОЯТ ЗАД

                   Душанбе, 27 феврал. (АМИТ «Ховар» Жасмин Назарова). — Боиси таассуф аст, ки баъзе аз ашхоси масъули пешгирии содиршавии ҷиноят аз ваколати хидматӣ истифода намуда, худ даст ба ғоратгариву ҷиноятҳои вазнин мезананд. Тавре ба АМИТ «Ховар» аз дафтари матбуоти Вазорати корҳои дохилӣ иттилоъ доданд, моҳи феврали соли равон шахсони номаълуми ниқобпӯш бо таҳдид аз яроқҳои оташфишон ба казинои «Помир»-и Ҷамъияти шакли кушодаи «Камбис» даромада, ба маблағи калони пулии 30 ҳазор сомонӣ ва 20 ҳазор доллари амрикоиро тасарруф намуда аз ҷои ҳодиса ғайб мезананд.                   Дар вобастагӣ ба ин ҷинояти вазнин аз ҷониби роҳбарияти ВКД ба таври оҷилӣ гуруҳи фаврӣ-тафтишотӣ созмон дода шуда чораҳои ҷустучуӣ андешида шуданд. Дар натиҷа бо бурдани чорабиниҳои фаврӣ- криминалистӣ дар муддати кӯтоҳ ин гуруҳи муташаккили ҷинояткори мусаллаҳ ошкору безарар гардонида шуданд.                   Дар рафти тафтишоти пешакӣ муайян гардид, ки ин даста бо сарварии корманди Сарраёсати хадамоти ҳифзи сарҳадоти Кумитаи амнияти миллии Ҷумҳурии Тоҷикистон подполковник Низомов Таваккалхӯҷа Мирзохӯҷаевич ташкил шуда, ба ин гурӯҳ боз ду нафар кормандони отряди милитсияи таъиноти махсус капитани милитсия Раҳимов Тоҳир Вайсиддинович, лейтенанти милитсия Ҳамидов Равшан Набиевич ва боз ду нафар шаҳрвандон Исломов Хуршед Анварович, соли таваллудаш 1975 сокини шаҳри Душанбе, кучаи Киров ва Фаттоев Абдухалил Акрамович, соли таваллудаш 1976 сокини шаҳри Душанбе, шомил будаанд. Айни замон тафтишоти парвандаи ҷиноии ин гурӯҳ, идома дорад ва ҳолатҳои даст доштани онҳо ба дигар ҷиноятҳо мавриди пурсиш қapop дорад. Инчунин се нафар аъзоёни ин гурӯҳ дасттир ва дар маҳкамаи муваққатӣ қapop доранд. Сарвари ин гурӯҳ Низомов Таваккалхӯҷа ва Фатоев Абдухалил дар кофтукови ҷиноӣ буда дар ин самт корҳои фаврӣ- ҷустуҷӯӣ идома дорад.