МАҶЛИСИ ШӮРОИ ҲУҚУҚИ ИНСОНИ СММ

                  Душанбе, 14 феврал. (АМИТ «Ховар», Наргис Бояхмедова). — 20 феврал дар Женева дар шӯъбаи аврупоии СММ маҷлиси гайринавбатии Шӯрои ҳуқуқи инсон баргузор мегардад. Дар он проблемаҳои бӯҳрони ҷаҳонии иқтисодӣ муҳокима карда мешаванд.                  Дар хабари барои матбуот дарҷнамудаи дафтари матбуоти СММ гуфта мешавад, ки бӯҳрони ҷаҳонии иқтисодии молиявӣ пеш аз ҳама ба ҳуқуқҳои иқтисодию иҷтимоии гурӯҳҳои камбизоати аҳолӣ — бачагон, маъюбон ва одамони солхӯрда таъсири манфӣ хоҳад расонд.                  Роҳбарияти Шӯро изҳор менамояд, ки созмонҳои байналхалқӣ худро аз азобу уқубати одамони қашшоқу бенаво канор гирифта наметавонанд ва бояд дар шароити душвор ба онҳо дасти ёрӣ дароз кунанд.