МАБЛАҒИ ТАҶДИДИ РОҲУ КӮПРУКҲО ЗИЁД МЕШАВАД

                 Душанбе, 21 феврал. (АМИТ «Ховар», Лаззат Диловарзод).- Бино ба иттилои вазири нақлиёт Абдураҳим Ашӯр, Ҳукумати Ҷумҳурии Тоҷикистон бо мақсади баромадан аз бунбасти коммуникатсионӣ маблағгузории соҳаи нақлиёт ва коммуникатсияро сол аз сол зиёд мекунад.                Дар буҷети давлатӣ барои соли 2009 барои соҳаи нақлиёт ва коммуникатсия зиёда аз 488 миллион сомонӣ пешбинӣ шудааст. Маблағи пешбинишуда асосан ба соҳаи ҳаётан муҳим- таҷдиду сохтмони роҳҳо, фурудгоҳу кӯпрукҳо ва соҳаи алоқа мавриди истифода қарор дода мешавад.                Вазорати мазкур, дар навбати худ соҳаҳои калонтарин, аз ҷумла:нақлиёти ҳавоӣ, роҳи оҳан, нақлиёти автомобилӣ, алоқаро дар ихтиёр дорад ва аз ин ҳисоб ҳар сол даҳҳо миллион сомонӣ ба буҷа ворид менамояд.