МАЪРАКАИ НИҲОЛШИНОНӢ ДАР «НАФТУ ГАЗ»-И ДУШАНБЕ

                 Душанбе, 10 феврал. (АМИТ «Ховар», Бекназари Абӯбакр). — Имрӯзҳо дар тамоми корхонаю идораҳои давлатӣ бахшида ба 20-солаги Истиқлолияти давлатии Тоҷикистон чорабиниҳои ташкилӣ ва ободу зебогардонӣ идома доранд.                 Бо ин мақсад, бо ибтикори роҳбарияти Корхонаи воҳи давлатии «Нафту газ»-и шаҳри Душанбе дар назди ин корхона маъракаи ниҳолшинонӣ доир гардид, ки дар он бевосита роҳбари корхонаи мазкур Бобишо Шоев иштирок кард.                Инчунин, дар ин маърака ҳамаи кормандони КВД «Нафту газ»-и шаҳри Душанбе ширкат варзида, дар ободу зебо гардонидани атрофи корхона саҳм гузоштанд.                Гуфтанист, ки дар ҷараёни чорабинии ободу зебогардонии атрофи корхона беш аз 150 ниҳоли сояафкан ва мевадиҳанда шинонда шуд.