МАРДУМ БЕШТАР АНГИШТ МЕХАРАД

                  Душанбе, 24 феврал. (АМИТ «Ховар», Мавзуна Бойева).- Дар давоми ду моҳи аввали соли 2009 дар мамлакат 4079 тонна ангишт истеҳол карда шуд, ки нисбат ба ҳамин давраи соли 2008-ум 146 тонна зиёд мебошад.                  Аз вазорати энергетика ва саноати ҷумҳурӣ ба мухбири АМИТ Ховар хабар доданд, ки айни ҳол захираи ангишт дар мағозаҳо — 6709,24 тонна, дар анборҳо — 30853,9 тонна ва ҳамагӣ -37563,14 тонна мебошад. То имрӯз дар саросари кишвар — 2872,3 тонна ангишт фурухта шудааст, ки нисбат ба соли 2008-ум 3468,3 тонна кам аст.                  Мувофиқи маълумоти мақомоти иҷроияи ҳокимияти давлатии вилоятҳо ва шаҳру ноҳияҳо то 1 феврали соли 2009 зиёда аз 1605 нуқтаи фӯруши ангишт фаъолият дошт. Дар онҳо 20450,1 тонна ангишт мавҷуд аст. Аз ҷумла, вилоятҳои Суғд-519 мағоза, дар Хатлон 557 мағоза, дар ВМКБ- 33 мағоза, НТҶ — 461 мағоза ва шаҳри Душанбе-35 мағозаи фурӯши ангишт фаъолият дорад.                 Мухбири АМИТ «Ховар» хабар медиҳад, ки имсол шумораи мағозаҳои ангишт нисбат ба ҳамин давраи соли 2008-ум 968 адад зиёд мебошад.