МАШВАРАТ ДАР БОРАИ БАЛАНД БАРДОШТАНИ МАҚОМИ ВАУ

                Душанбе, 28 феврал. (АМИТ «Ховар», Лутфия Эшонқулова).- Имрӯз, 28 феврал дар Вазорати фарҳанги Ҷумҳурии Тоҷикистон машварати роҳбарони нашрияҳои даврии пойтахт баргузор мегардад. Он бо ташаббуси Иттифоқи журналистони Тоҷикистон, дар мавзӯи «Масъулияти ВАУ дар амри Фармони Президенти ҶТ дар бораи вокуниш ҳамчун омили рушди матбуоти кишвар» доир хоҳад шуд. Тавре ба АМИТ «Ховар» дар Вазорати фарҳанг хабар доданд, дар назар аст, ки машваратро вазири фарҳанги ҶТ Мирзошоҳрух Асрорӣ бо маърӯзаи худ дар мавзӯи «Воситаҳои ахбори умум ва масъулияти таърихии он» иттитоҳ мебахшад. Ҳамчунин, дар маҷлис намояндагони воситаҳои ахбори омма, вазорати фарҳанг ва устодони факултаҳои журналистикаи донишгоҳҳои пойтахт маърӯза хоҳанд кард. Иштирокчиён мақоми ВАУ- ро дар амри иҷрои Фармони дар боло қайдшуда мавриди муҳокима қарор дода, дар бораи баланд бардоштани обрӯи васоти ахбори омма мубодилаи афкор менамоянд.