МЕЪЁРИ БОЗТАМВИЛИ БОНКИ МИЛЛӢ БА АНДОЗАИ 1,5 БАНДИ ФОИЗ ПАСТ КАРДА ШУД

                  Душанбе, 3 февраля. (АМИТ «Ховар», Покиза Маҳмадбекова). — Мувофиқи Қарори раёсати Бонки миллии Тоҷикистон аз 28 — уми январи соли 2009 бо мақсади самаранокии сиёсати пулию қарзӣ, ки ба рушди иқтисодиёт мусоидат менамояд ва барои таъмини пардохтпазириии ташкилотҳои қарзии Ҷумҳурии Тоҷикистон меъёри бозтамвили БМТ аз 13,5 фоизи солона то 12 фоизи солона паст карда шуд.                   Бояд гуфт, ки дар соли сипаригардида бонки мазкур ин меъёри бозтамвилро чор маротиба иваз намуд. Дар ин бора ба мухбири АМИТ «Ховар» аз БМТ иттилоъ доданд.