МУЛОҚОТ ЭМОМАЛИ РАҲМОН БО САРВАЗИРИ ШОҲИГАРИИ БЕЛГИЯ ХЕРМАН ВАН РОМПЕЙ

Сафари расмии Президенти Ҷумҳурии Тоҷикистон Эмомалӣ Раҳмон ба Шоҳигарии Белгия субҳи рўзи 10 – уми феврал оғоз ёфт.Дар шаҳри Брюсел —  пойтахти Шоҳигарии Белгия Президенти Ҷумҳурии Тоҷикистон Эмомалӣ Раҳмон нахуст бо Сарвазири он Херман ван Ромпей дар қасри Егмонт мулоқот намуд.Дар вохўрӣ  оид ба имкону захираҳои фаровони таҳким ва густариши ҳамкориҳои  Тоҷикистону Белгия гуфтугўи судманд сурат гирифт.Бахшҳои коркарди алюминий, пахта, меваҷот ва масолеҳи полезӣ, истихроҷи маъданҳо ва сангҳои қимматбаҳо, истеҳсоли маводи сохтмон, ва рушди туризм аз самтҳои судманди ҳамкории ояндаи ду кишвар маънидод гардид.Ба таври мунтазам доир намудани форумҳои соҳибкорон ва тавсиаи робитаҳои судманди онҳо матлуб дониста шуд.Ба роҳ мондани ҳамкориҳо миёни муассисаҳои илмии Тоҷикистону Белгия оид ба тадқиқотҳои гуногунсоҳа низ аз самтҳои афзали ҳамкорӣ маънидод гардид.Баъди мулоқоти Президенти Ҷумҳурии Тоҷикистон Эмомалӣ Раҳмон ва Сарвазири Шоҳигарии Белгия  Херман ван Ромпей чанд санади ҳамкории дуҷониба ба имзо расид:Созишнома байни Ҳукумати Ҷумҳурии Тоҷикистон ва Иттифоқи иқтисодии Белгия – Люксембург оид ба ҳавасмандгардонӣ ва ҳифзи мутақобилаи сармоягузорӣ;Созишнома байни Ҳукумати Ҷумҳурии Тоҷикистон ва Ҳукумати Шоҳигарии Белгия оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя;Ёддошти тафоҳум миёни Вазоратҳои корҳои хориҷии ду кишвар оид ба ҳамкорӣ;Дар ин бора Котиби матбуоти Президенти Ҷумҳурии Тоҷикистон Абдуфаттоҳ Шарифзода аз шаҳри Брюсели Шоҳигарии Белгия иттилоъ дод.