НАҚЛИЁТИ БАРҚӢ (ТРОЛЛЕЙБУС) НАҚЛИЁТИ НАФАҚАХӮРОН

                  Душанбе, 13 феврал. (АМИТ «Ховар», Лаззат Диловарзод).- Ду-се рӯзи охир бо сабаби иваз кардани хатсайрҳои ба истилоҳ «Танген»-ҳо рафтуомад ба кору донишгоҳҳо мушкилотеро ба бор овардааст.                  Сафи одамони дар роҳи нақлиёти хурди мусофирбар (маршруткаҳо)- и кӯчаҳои Исмоили Сомонӣ ва Неъмат Қарабоеви шаҳр интизоридошта , хеле зиёд аст.                  -Мардуми ба маршруткаҳо одат карда, дигар автобусу троллейбусро намехоҳад, инҳо нақлиёти барои нафақахӯрону маҷрӯҳон истеҳсол шудаи солҳои 80-90-и асри гузашта мебошанд,-мегӯянд онҳое,ки яке ба донишгоҳу дигаре ба кор шитоб доранд.                 Тибқи маълумоти оморӣ, Раёсати троллейбусҳои шаҳри Душанбе ҳаҷми мусофиркашониро нисбат ба ҳамин давраи соли 2007 34 фоиз кам кардааст.                  Аз моҳи сентябри соли 2008 нақлиёти барқии шаҳри Хуҷанд фаъолият надорад.                 -Роҳро мошинҳои шахсӣ танг карда бошанд, айби маршруткачиён чист? Айби ошро аз мош ҷустан магар кори савоб аст, мегӯяд дигар корафтода, ки ним соат боз автобусу троллейбус мепояд.