НАФАҚАХӮРОНИ НАШЪАМАНД

                  Душанбе, 17 феврал. (АМИТ «Ховар», Лаззат Диловарзод).- Бино ба маълумоти Раёсати агентии назорати маводи нашъадори назди Президенти ҷумҳурӣ дар вилояти Хатлон соли 2008 аз ҷониби мақомоти ҳифзи ҳуқуқи вилоят 222 ҳодисаи содир намудани ҷиноятҳои вобаста ба нашъамандӣ ошкор карда шудааст.                 Тибқи иттилои ҳамин манбаъ, аз шумораи ашхоси ба нашъамандӣ гирифтор- 19 нафарашонро нафақахӯрон ё ашхоси аз 60 сола боло ташкил медиҳанд. Дар ин рӯйхат инчунин 565 нафар ҷавонони аз 18 то 29 сола, 367 нафар ашхоси аз 30 то 59 сола дохил карда шудаанд.                 Мутаассифона, миёни нашъамандон 22 нафар занҳо ба кайд гирифта шудаанд.