НАРХИ ИНТИҚОЛИ МОЛ ПАСТ ФУРОМАД

                    Душанбе, 3 феврал. АМИТ «Ховар», Кристина Эрлих). — Дар ҷумҳурӣ ба истиснои шаҳри Душанбе нархҳои нави интиқоли молу мусофирон ба воситаи нақлиёт ҷорӣ карда шуданд. Аз ҷумла, интиқоли бор ба воситаи нақлиёте, ки бо гази табиӣ кор мекунад, 20 фоиз ва нақлиёте, ки бо бензин кор мекунад, 30 фоиз арзон шуд.                     Нарҳҳои навро кормандону мутахассисони Пажӯҳишгоҳи илмии тадқиқотии «Нақлиёт» муқаррар намуданд ва онҳоро вазири нақлиёт ва алоқаи ҷумҳурӣ Абдураҳим Ашӯр тасдиқ намуд. Ба роҳбарони муассисаҳои давлатии нақлиётӣ супориш дода шуд, ки вазифаҳои ба зимма гирифтаашонро иҷро намуда, сифати хизматрасониро ба мусофирон беҳтар карда, самараи истифодаи воситаҳои нақлиётро бештар созанд. Нархҳои нав зимни кашондани мусофирон бо автобусҳои байнишаҳрӣ, микроавтобусҳо, мошинҳои сабукрави мусофирбар ва ғайра истифода карда мешаванд.                   Мухбири АМИТ «Ховар» хабар медиҳад, ки дар воситаҳои нақлиёти мусофирбар аз бачагони то 5 — сола пул гирифта намешавад, бачагони 5 то 12 — сола 50 фоизи арзиши роҳкироро месупоранд.                                                                                                                                                 Тарҷумон — Қудратов А.