НЕРӮГОҲИ ХУРДИ БАРҚӢ БУНЁД ХОҲАД ЁФТ

                       Душанбе, 21 феврал. (АМИТ «Ховар» Сулаймон Холов). Бар асоси иттилои муовини раиси Муминобод оид ба корҳои сохтмонӣ Давлаталӣ Набиев дар ноҳия 5 лоиҳа барои сохтмони Нерӯгоҳи хурди барқӣ (НХБ) ба Ҳукумати ҶТ пешниҳод гардид.                       Ба гуфтаи ин манбаъ, сохтмони НХБ дар деҳаҳои Алака, Марғак, Сангдара, Охҷар, Лангар ва Толеъ ба нақшагирифта шуд. Иқтидори НХБ аз 50 то 200 кВ/с дарбар гирифта барои бунёди 1 нерӯгоҳ маблағи аз 20 то 100 ҳазор доллари амрико зарур меояд.                      Сохтмони НХБ дар якҷоягӣ бо вазорати мелиорация ва хоҷагии оби ҷумҳурӣ, маркази соҳаи энергетика ва сокинони ин ноҳия ба анҷом хоҳад расонд. Оғози сохтмони неругоҳҳо дар ноҳия баъди тасдиқи лоиҳа сурат хоҳад гирифт, изҳор дошт Д. Набиев.