ОЗМОИШГОҲИ НАВ ДАР ВМКБ

                Душанбе, 3 феврал. (АМИТ «Ховар», Бекназари Абӯбакр). — Бо мақсади ташхиси маводи хӯрока дар бозорҳои наздисарҳадии байни Тоҷикистону Афғонистон дар минтақаи Бадахшон озмоишгоҳҳо таъсис дода мешавад.                 Роҳбари маркази матбуоти Агентии стандартизатсия, метрология, сертификатсия ва нозироти савдои назди Ҳукумати ҷумҳурӣ Мирзовалӣ Абдуллоев ба мухбири АМИТ «Ховар» гуфт, ки ҳадафи аслии ин иқдом ҷилавгирӣ аз содироту воридоти маводи хӯрокаи пастсифат ва барои саломатӣ зараровар буда, бо ин мақсад зиёда аз 100 ҳазор сомонӣ таҷҳизоти махсус харидорӣ мешавад.                Лозим ба ёдоварист, ки дар давоми соли 2008 дар озмоишгоҳи минтақаи ВМКБ 424 намунаи маҳсулоти хӯрокворӣ ташхис шуда, зиёда аз 20 намуди он бо сабаби ба талаботи стандартӣ ҷавобгӯй набудан аз муомилот бароварда шуданд.