РАДАРҲОИ БДА-РО ТАШХИС МЕКУНАНД?

                      Душанбе, 5 феврал. (АМИТ «Ховар», Бекназари Абӯбакр). — То моҳи марти соли ҷорӣ дар Тоҷикистон озмоишгоҳи ташхиси дастгоҳҳои андозагирии суръати ҳаракати нақлиёт (радар) ба кор шурӯъ хоҳад кард.                      Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон Давлаталӣ Ҳотамов дар сӯҳбат бо мухбири АМИТ «Ховар» гуфт, ки имрӯз дар баъзе ҳолатҳо кормандони БДА бе асос дар пасхамҳо истода мошинҳоро манъ мекунанд, ки гӯё ронандагони онҳо суръати қоидаи роҳро вайрон карда бошанд. «Ҳол он ки, маълум нест худи дастгоҳҳои суръатсанҷ дуруст кор мекунанд ё не?. Аз ин рӯ, Агентии «Тоҷикстандарт» тасмим гирифтааст, ки дар давоми ду моҳ озмоишгоҳи ташхиси дастгоҳҳои андозагирии суръати ҳаракати нақлиётро дар ҷумҳурӣ насб намояд.