РАШТ БА КИШТИ БАҲОРИИ КАРТОШКА ТАЙЁР НЕСТ

               Душанбе, 18 феврал. (АМИТ «Ховар», Лаззат Диловарзод).- Бино ба иттилои муовини вазири кишоварзӣ С. Исроилов, дар ноҳияи Рашт то 1-уми феврали соли 2009 гандуми тирамоҳӣ дар ҳамаи 2678 гектар заминҳои киштшуда хеле хуб рӯида, барои додани озуқа тайёр шудааст. Кишти тирамоҳӣ нисбат ба ҳамин давраи соли 2007 629 гектар зиёд аст.               Бино ба маълумоти ҳамин манбаъ, соли ҷорӣ тибқи дурнамо дар ноҳия дар майдони 580 гектар картошка кишт карда мешавад. Барои кишти ин миқдор замин 2030 тонна тухмии хушсифати картошка зарур аст. Комиссияи санҷишии вазорат муайян кард, ки дар ноҳия ҳамагӣ 840 тонна картошка захира карда шудааст, ки аз меъёри зарурӣ 1190 тонна кам аст.