САФАРИ КОРИИ КОТИБИ ИҶРОИЯИ ИДМ БА КИШИНЁВ

             Душанбе, 10 феврал. АМИТ «Ховар», Наргис Бояхмедова). — Котиби иҷроияи Иттиҳоди Давлатҳои Мустақил Сергей Лебедев дирӯз барои боздиди корӣ ба шаҳри Кишинёв рафт. Вай зимни сафар бо президенти Ҷумҳурии Молдавия В.Воронин мулоқот хоҳад кард. Зимни мулоқот масъалаҳои марбут ба раёсати Молдавия дар ИДМ баррасӣ карда мешаванд.            Мухбири АМИТ «Ховар» хабар медиҳад, ки раёсати Шӯрои сарони давлатҳо, Шӯрои сарони ҳукуматҳо, Шӯрои вазирони корҳои хориҷӣ, Шӯрои иқтисодӣ ва Шӯрои намояндагони доимии ваколатдори ИДМ аз 1 январи соли 2009 сар карда ба зиммаи Молдавия гузошта шуд. Ҷумҳурии Молдавия бо назардошти мақоми узвияташ дар ИДМ изҳор намуд, ки ҳамкории давлатҳои Иттиҳодро бештар ривоҷ дода, ба ҳамгироии иқтисодии онҳо мусоидат менамояд.