ШУДГОРИ БЕ НУРИҲОИ МИНЕРАЛӢ ДАР ВИЛОЯТИ ХАТЛОН

                 Душанбе, 27 феврал. (АМИТ «Ховар», Лаззат Диловарзод).- Бино ба иттилои муовини вазири кишоварзӣ Ш.Раҳимназаров, хоҷагиҳои ноҳияҳои Балҷувон, Норак ва Сарбанд шудгори заминҳоро пурра ба охир расониданд. Ноҳияҳои Шӯрообод, Ховалиг, Данғара, Темурмалик, Ҳамадонӣ, Кӯлоб, Мӯъминобод ва Ёвон шудгори заминҳоро ба андозаи 81,7 ва 96,3 фоиз иҷро карданд. Ноҳияҳои Ҷиликӯл, Ҷ.Румӣ, Қумсангир, Панҷ ва Фархор бошанд, шудгори заминҳоро ҳамагӣ 44,5 ва ё ба андозаи 56,6 фоиз иҷро кардаанд.                  Шудгори заминҳои пахта дар хоҷагиҳои вилоят 67,3 фоиз иҷро гардидааст.                    Боиси таассуф аст, ки ноҳияҳои Сарбанд, Ҳамадонӣ, Восеъ Кӯлоб шудгори заминҳои пахтаро 85,5 ва ё ба қадри 100 фоиз иҷро карда бошанд ҳам, аммо пеш аз шудгор ба заминҳои шудгор кардашуда нуриҳои минералӣ дода нашудааст.