СОҲАИ ТАНДУРУСТӢ РӮ БА БЕҲБУДӢ МЕОРАД

               Душанбе, 27 феврал. (АМИТ «Ховар», Лаззат Диловарзод).- Соҳаи тибу маориф аз он соҳаҳое мебошанд, ки Сарвари Давлат бештар таваҷҷӯҳ зоҳир менамояд ва маблағгузориро ба ин ду соҳа сол аз сол беҳтар менамояд.Дар давоми панҷ соли охир маблағгузорӣ ба соҳаи тандурустӣ аз ҳисоби буҷа шаш маротиба афзоиш ёфт.                Ин раванд дар вилояти Суғд назаррас аст. Агар соли 2008 ба ин соҳа дар вилоят 50 миллион сомонӣ ҷудо шуда бошад, соли 2009 ба соҳаи тандурустии вилоят аз ҳисоби буҷет наздик ба 80 миллион сомонӣ маблағ пешбинӣ шудааст.                 Алҳол, дар вилоят 892 муассисаҳои тиббӣ, аз ҷумла 108 беморхона ва 402 марказҳои саломатӣ фаъолият мекунанд.