ТАЙЁРӢ БА АНҶУМАНИ ҒАЙРИНАВБАТИИ ҶАМЪИЯТИ ҲИЛОЛИ АҲМАР

                 Душанбе, 5 феврал. АМИТ «Ховар», Покиза Маҳмадбекова). — 4 феврал дар Душанбе пленуми навбатии Ҷамъияти Ҳилоли Аҳмари ҷумҳурӣ баргузор гардид. Дар он даҳ масъалаи нисбатан муҳими фаъолияти ҷамъият баррасӣ шуд. Муншии умумии ҷамъият З.Муҳаббатов дар ҳузури роҳбарони филиалу шӯъбаҳои вилоятӣ ва шаҳрию ноҳиявии ҷамъият дар бораи натиҷаҳои фаъолияти он дар соли 2008 ҳисобот дод.                Сардори шӯъбаи молияи ҷамъият Саломатшо Қадамов роҷеъ ба иҷрои нақшаҳои молиявии соли гузашта ва лоиҳаи буҷети ҷамъият дар соли 2009 сухан ронд. Иштирокчиёни пленум инчунин, масъалаи тайёриро ба анҷумани ғайринавбатии Кумитаи марказии Ҷамъияти Ҳилоли Аҳмар муҳокима карданд, ки тибқи нақша бояд 28 март гузаронида шавад.