ТАЪМИНИ МУАССИСАҲОИ ТАНДУРУСТӢ БО МАВОДИ ҒИЗОӢ

               Душанбе, 20 феврал. (АМИТ «Ховар», Ибодат Давлатова). — 23 феврали соли ҷорӣ ба Беморхонаи ҷумҳуриявии клиникии бемориҳои сили Вазорати тандурустӣ аз тарафи ташкилоти ғайридавлатии америкоӣ Resouce & Police Exchange. Inc. бо дастгирии Агентии америкоӣ оид ба рушди байналмилалӣ (USAID) ёрии башардўстона, иборат аз маводи ғизоӣ расонида мешавад. Дар маъракаи мазкур намояндагони Вазорати тандурустии Ҷумҳурии Тоҷикистон, сафорати ИМА дар Тоҷикистон ва Агентии америкоӣ оид ба рушди байналмилалӣ (USAID) иштирок хоҳанд кард.               Тавре ба мухбири АМИТ «Ховар» аз маркази матбуоти Вазорати тандурустии Ҷумҳурии Тоҷикистон хабар доданд, дар чорчўбаи барномаи Агентии америкоӣ оид ба рушди байналмилалӣ (USAID) дар Тоҷикистон 80 тонна маводи хўрокворӣ (наск, биринҷ, сабзавот) ба маблағи умумии 86 638 доллари ИМА ба ташкилоти хайриявии Авесто (Тоҷикистон) дастрас карда шуд. Ёрии башардўстона барои беморхонаҳои бемориҳои руҳӣ, сил, бемориҳои кўдакона, хонаи ятимон ва дигар муассисаҳои иҷтимоии Ҷумҳурии Тоҷикистон пешбинӣ шудааст.               Маводи хўрока маҳсулоти муассисаи америкоии Breedlove Dehydrated Foods буда, таркиби он бо витаминҳо ва намакҳои минералӣ ғанӣ карда шудааст.              Бояд қайд намуд, ки дар соли 2007 маводи хўрока ба 64 муассисаҳои тиббӣ ва иҷтимоӣ ва дар соли 2009 бошад, ба 75 муассиса дастрас карда мешавад.