ТАШРИФИ ГУРӮҲИ МУТРИБОНИ АВРУПОӢ БА ТОҶИКИСТОН

              Душанбе, 23 феврал. (АМИТ «Ховар», Таҳмина Ғоибназарова). — Дар Консерваторияи миллии Тоҷикистон бо сафири Австрия дар Тоҷикистон, Қазоқистон, Қирғизистон ва Туркманистон Урсула Фарингер мулоқот баргузор гардид. Дар он протоколи ҳамкорӣ дар бораи ташрифи гурӯҳи мутрибон аз Австрия ба пойтахти Тоҷикистон баррасӣ ва имзо карда шуд. Мутрибони австриягӣ охири моҳи апрел ба Душанбе омада, консерт намоиш медиҳанд, барои донишҷӯёни Консерваторияи миллӣ машғулиятҳо гузаронида, лексияҳо мехонанд.              Мухбири АМИТ «Ховар» хабар медиҳад, ки дар мулоқот масъалаҳои ҳамкории Консерваторияи миллии Тоҷикистон бо Консерваторияи мусиқии Австрия ва таъсиси Академияи байналхалқии мусиқии мамлакатҳои Осиёи Марказӣ муҳокима карда шуданд.                                                                                                                                                Тарҷумон — Қудратов А