ТАТБИҚИ 51 ЛОИҲАИ ИНВЕСТИТСИОНӢ ДАР КИШВАР

                   Душанбе, 2 феврал. (АМИТ «Ховар», Лаззат Диловарзод).- Бино ба маълумоти Вазорати рушди иқтисод ва савдо ҳоло дар ҷумҳурӣ 51 лоиҳаи инвеститсионӣ мавриди татбиқ қарор доранд, ки маблағи умумии онҳо 5 миллиарду 200 миллион сомониро ташкил медиҳад.                  Ҳукумати ҷумҳурӣ соли гузашта ҷиҳати маблағгузории 12 лоиҳаи муштараки инвеститсионӣ бо ташкилотҳои молиявии ҷаҳонӣ созишномаҳои навро ба имзо расонид, ки маблаги умумии онҳо 540 миллион сомониро ташкил медиҳад. Аз ин маблағ 315 миллион сомониашро қарзҳои бебозгашт ташкил медиҳанд.                  Боиси нигаронист, ки азхудкунии маблағҳои ҷудошуда ва татбиқи саривақтии лоиҳаҳо таъмин намегардад ва ин боиси кашолкорӣ дар тамоми соҳаҳои кишоварзӣ, саноат ва сохтмон шудааст.