«ТОҶИКТЕЛЕКОМ» МУШТАРИЁНАШРО АЗ ДАСТ ДОД

                Душанбе, 2 феврал. (АМИТ «Ховар», Лаззат Диловарзод).- Бино ба маълумоти Ҷамъияти саҳҳомии шакли кушодаи «Тоҷиктелеком» то 1-уми январ соли 2009-ум шумораи муштариёни телефонӣ дар системаи мазкур ба 306,1 ҳазор нафар расид, ки нисбати ҳамин давраи соли гузашта 8,8 ҳазор ва нисбат ба муштариёни телефонҳои сайёр 4 маротиба камтар мебошад.               Аз шумораи умумии муштариёни телефони 270,6 ҳазор воҳид ё баробари 106,7 фоизи онро нисбат ба соли гузашта дастгоҳҳои телефони хонагӣ ташкил медиҳанд.              Мавриди зикр аст, ки истифодабарандагони интернет дар ҷумҳурӣ ба 495,6 ҳазор нафар муштарӣ ва шумораи муштариёни алоқаи сайёр (мобилӣ) ба 3 миллиону 346 ҳазору 400 нафар расидааст.              Чунин ранг гирифтани корро коршиносон дар зиёд шудани нархи хизматрасонии телефонҳои асосӣ- телефонҳои хизматрасонии шаҳрӣ ва ноҳиявию байналмилалӣ медонанд.