«ТОЛИБОН» МАВҚЕИ ХУДРО ДАР АФҒОНИСТОН ТАҚВИЯТ МЕДИҲАНД

                      Кобул, 4 феврал. АМИТ «Ховар» — Интерфакс). — Фаъолияти дастаҳои мусаллаҳи ҷунбиши «Толибон» дар Афғонистон, хусусан дар минтақаҳои ҷанубии он торафт авҷ мегирад ва ҷузъу томҳои низомии эътилофӣ дар мубориза ба муқобили онҳо торафт бештар бо душвориҳо рӯ ба рӯ мегарданд. Шумораи хизматчиёни ҳарбии нерӯҳои эътилофӣ ба муқобили «Толибон» камӣ мекунад. «Толибон» аз ҷиҳати қувваи зинда ва техника нисбат ба нерӯҳои эътилофӣ ва артиши ҳукуматӣ бартарӣ доранд, гуфта мешавад дар маърӯзаи Пентагон, ки ба сенати ИМА пешниҳод карда шуд.                      Дар маърӯза зикр карда мешавад, ки амалиёти «Толибон» соли 2008 дар қисмати зиёди мамлакат хеле авҷ гирифт ва то дараҷаи амалиёти онҳо дар соли 2001 расид. Ба қавли намояндагони Пентагон, дар қисмати ҷанубии мамлакат таъмини амният бо сабаби кам будани қувваю техникаи ҳарбӣ ғайриимкон мебошад.