ЗАМИМАИ ҲАФТАНОМАИ «БИЗНЕС И ПОЛИТИКА»

                Душанбе, 13 феврал. АМИТ «Ховар», Темур Бандишоев). — Ҳафтаномаи «Бизнес и политика» ҳамроҳи иттифоқи касабаи коргарони муҳоҷири ИДМ ба нашри замимаи махсус шурӯъ менамояд. Сармуҳаррири ҳафтанома Раҳмон Ӯлмасов ба мухбири АМИТ «Ховар» хабар дод, ки замимаи нав ҳар ҳафта дар ҳаҷми 8 саҳифа чоп мешавад. Ба қавли ӯ, дар саҳифаҳои замима дар бораи проблемаҳои коргарони муҳоҷир, пешгирии муҳоҷирати ғайриқонунӣ, қонунҳои Федератсияи Русия дар бораи муҳоҷират ва зиндагии шаҳрвандони Тоҷикистон, ки муваққатан дар қаламрави Русия кор мекунанд, нақл карда мешавад.