ҒИЗОДИҲИИ ҒАЛЛАИ ТИРАМОҲӢ ҚАНОАТБАХШ НЕСТ

Душанбе, 9 март. (АМИТ «Ховар», Лаззат Диловарзод).- Чунон ки аз маълумоти маркази матбуот ва иттилооти Вазорати кишоварзӣ маълум гардид, то 2-юми марти соли 2009 аз майдони 52 ҳазору 73 гектар ҳамагӣ 24 фоизи заминҳои кишти тирамоҳӣ як маротиба бо ғизо таъмин карда шудааст. Ёдовар мешавем, ки тирамоҳи соли 2008 дар масоҳати 52 ҳазору 73 гектар кишт гузаронида шудааст, ки аз ин 13 ҳазору 888 гектарашро заминҳои обӣ ташкил медиҳанд.Ғизодиҳии ғаллазор дар вилояти Суғд аз майдони 15 ҳазору 227 гектар 29,9 фоизи он, вилояти Хатлон аз 26 ҳазору 437 гектар 22,2 ва дар ноҳияҳои тобеи ҷумҳурӣ аз майдони 10 ҳазору 409 гектар 23,2 фоизи онро як маротиба бо ғизо таъмин кардаанд, ки ин хеле кам аст. Агар вазъияти ғизодиҳии ғаллазор то охири моҳи март тағйир дода нашавад, ҳосилнокӣ дар соли ҷорӣ аз соли 2008 камтар хоҳад шуд.