ҚӮРҒОНТЕППА БО ҚУВВАИ БАРҚ ТАЪМИН ШУД

                  Қӯрғонтеппа, 17 март (АМИТ «Ховар», Мурод Сотиев). — Маҳдудияти таъминоти қувваи барқ дар шаҳрҳои Қӯрғонтеппа ва Кӯлоб бекор карда шуд. Роҳбари Ҷамъияти саҳҳомии «Шабакаҳои барқии ҷанубии ҷумҳурӣ» Маҳмад Самадов ба АМИТ «Ховар» хабар дод, ки шаҳрҳои мазкур шабу рӯз бо қувваи барқ таъмин карда мешаванд.     Инчунин, ба бисёр шаҳру ноҳияҳои дигари вилоят ду соат пагоҳӣ ва се соат бегоҳӣ қувваи барқ дода мешавад.                   Ба қавли М.Самадов, таъминоти корхонаю муассисаҳо низ бо қувваи барқ хеле беҳтар гардид. Акнун ба корхонаю муассисаҳое, ки аз ҳисоби истифодаи қувваи барқ қарздор нестанд, қувваи барқ бемаҳдудият дода мешавад, гуфт М.Самадов.