ҚАРЗҲОИ ИСТЕЪМОЛӢ, ШАКЛИ БЕҲТАРИНИ ҚАРЗДИҲӢ

                        Душанбе, 10 март. (АМИТ «Ховар», Лаззат Диловарзод).-Аз ибтидои соли 2009 сар карда, шумораи ашхоси ба қарзҳои истеъмолӣ ниёз дошта меафзояд.                        Бино ба иттилои сардори филиали «Агроинвестбонк»-и шаҳри Панҷакент Муҳаммадҷон Аҳроров, соли 2008 қарзҳои дар бахшҳои гуногун додаи бонки мазкур ба аҳолӣ беш аз 8 млн. сомониро ташкил додааст.Филиали «Агроинвестбонк» шакли нави қарздиҳӣ — қарзи истеъмолиро ҷорӣ намуд. Асосан аз ин навъи қарздиҳӣ бештар муҳоҷирони меҳнатӣ истифода мебаранд.                        Соли 2008 барои қарзҳои истеъмолӣ беш аз 1 млн. 800 ҳазор сомонӣ дода шудааст, ки аз ин 827 ҳазорашро роҳкирои муҳоҷирони меҳнатӣ ташкил додааст.