ҚОЧОҚЧӢ ДАСТГИР ШУД

             Душанбе, 14 март. (АМИТ «Ховар», Наргис Бояхмедова). — 13 марти соли 2009 кормандони гумруки фурудгоҳи шаҳри Душанбеи Раёсати минтақавии гумруки дар шаҳри Душанбе буда, ҳангоми ба расмиятдарорӣ ва назорати гумрукии мусофирони хати сайри № 627 самти Душанбе-Москав шаҳрванди Ҷумҳурии Тоҷикистон, истиқоматкунандаи кӯчаи Курганская 7, ноҳияи Шоҳмансури пойтахт Зоиршо Эшоновро, ки соли таваллудаш 1983 мебошад дар интиқоли ғайриқонунии маводи нашъаовар тавасcути сарҳади гумрукии Ҷумҳурии Тоҷикистон гумонбар дониста, боздошт намуданд.               Кормандони гумрук аз пинҳонгоҳи сумкаҳои З.Эшонов ду бастаи дуқабатаи пластмасиро пайдо карданд, ки дар дохили онҳо маводи хокамонанди рангаш сафедмонанд ба героин, дарёфт ва мусодира намуданд. Ташхиси лабораторӣ нишон дод, ки хокаи сафеди дарёфткардашуда, героин буда, вазни холиси он 2 килограмму 528 грамро ташкил дод.               Доир ба ҳодисаи мазкур нисбати З.Эшонов парвандаи ҷиноятӣ оғоз карда шуда, ба прокуратураи нақлиётии ҷумҳурӣ фиристонида шуд.              Дар ин бора ба АМИТ «Ховар» аз Хадамоти гумруки назди Ҳукумати ҷумҳурӣ иттилоъ доданд.