ҶАЗОИ МАЪМУРӢ БАРОИ ҶАЛБИ ҒАЙРИҚОНУНӢ БА КОР

                         Душанбе, 28 март. (АМИТ «Ховар», Лаззат Диловарзод).- Аз 1- уми апрели соли ҷорӣ дар Ҷумҳурии Тоҷикистон тартиби нави иҷозатномадиҳӣ ба кор ҷорӣ мегардад.                         Бино ба иттилои Хадамоти муҳоҷирати Вазорати умури дохилаи ҷумҳурӣ барои ҷалби ғайриқонунии шаҳрвандони хориҷӣ ба кор ҷазои маъмурӣ дар шакли ҷарима барои шахсони воқеӣ аз 30 то 50 ҳади ақали музди меҳнат, барои шахсони мансабдор аз 70 то 100 ва барои шахсони ҳуқуқӣ аз 250 то 300 ҳади ақал ҷазо муқаррар карда шудааст.                         Тартиби нави муқарраргардида ба раванди танзими муҳоҷират, ҳифзи бозори дохилии меҳнат ва назорати қувваи корӣ аз хориҷи кишвар мусоидат хоҳад кард.                         Дар солҳои 2007 — 2008 беш аз 92 ҳазор шаҳрвандони хориҷӣ чун мутахассис барои кор вориди Тоҷикистон шуданд. Соли 2008 186 нафар шаҳрвандони хориҷӣ барои ғайриқонунӣ вориди Тоҷикистон шуданашон берун карда шуданд.