ҶОИЗАҲОИ АДАБИИ НАВ ДАР ХАТЛОН

                 Кӯлоб, 4 март (АМИТ «Ховар», Сулаймон Холов).- Бахши иттиҳоди нависандагони Тоҷикистон дар вилояти Хатлон ба номи се шоири шинохтаи тоҷик Носири Хусрав, Шамсиддини Шоҳин ва Ашӯр Сафар ҷоизаҳои адабӣ таъсис дод, ки ин ҷоизаҳо дар ҷамъбасти соли 2009 ба адибони маҳаллӣ, ки то нимаи ҳамин сол ашъорашон дар шакли китоб ба нашр расида ва он аз ҷониби ҳакамон мавриди писанд қарор гирифта бошад, тақдим мешавад. Ба гуфтаи, намояндаи иттифоқи нависандагон дар минтақаи Кӯлоб Ҳақназар Ғоиб барои қабули хуҷҷатҳои довталабон алҳол комиссия таъсис ёфтааст.                  Феълан барои дарёфти ҷоизаҳои адабӣ пешниҳоди асарҳои назмӣ, ки таи чаҳор соли охир дар қаламрави вилояти Хатлон нашр шудаанд, шурӯъ шудааст. Барои ҷоизаи адабии ба номи Шамсиддини Шоҳин ва Носири Хусрав ҳукумати вилояти Хатлон 5 ҳазор сомонӣ муайян намуда, ҷоизаи адабии ба номи Ашӯр Сафар маблағи якуним ҳазор сомонӣ арзиш дорад.                 Барои дарёфти ҷоизаҳои адабӣ танҳо шоироне ширкат менамоянд, ки ба узвияти Иттиҳоди нависандагони Тоҷикистон пазируфта шудаанд.