1425 ГЕКТАР БОҒИ НАВ БУНЁД ГАРДИД

                  Душанбе, 5 март. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, соли 2009 дар ҷумҳурӣ бунёди 1465 гектар боғҳои нав дар назар аст.                  То 25-уми феврали соли ҷорӣ дар вилояти Хатлон 556 гектар боғи нав ва 214 гектар токзор бунёд карда шуда, 89 гектар боғҳои кӯҳна, 56 гектар токзорҳои кӯҳна барқарор карда шудааст.                   Ҳамзамон, дар вилояти Суғд 542 гектар боғҳои нав, 208 гектар токзорҳои нав бунёд шуда, 250 гектар боғҳои кӯҳна ва 160 гектар токзорҳои кӯҳна аз нав барқарор карда шуданд.                   Дар ноҳияҳои тобеи ҷумҳурӣ бошад, бунёди боғҳои нав ба -327 ва токзорҳо ба 76 гектар расонида шудааст.