4-УМИ АПРЕЛ – ОҒОЗИ МУСОБИҚАИ ЛИГАИ ОЛИИ ФУТБОЛИ ТОҶИКИСТОН

                   Душанбе, 31 март. (АМИТ «Ховар», Пайрав Назаров).-Дар Федератсияи футболи Тоҷикистон (ФФТ) қуръакашии мусобиқаи қаҳрамонии футболи Тоҷикистон байни дастаҳои лигаи олӣ доир гардид.                   XVIII-умин мусобиқаи ҷумҳуриявӣ бо ширкати 10 даста дар ду давра баргузор хоҳад шуд.                   Бар асоси қуръакашӣ дар нахустин даври мусобиқа 4-уми апрел дастаҳои «Истиқлол» (Душанбе) — «Равшан» (Кӯлоб), «Вахш» (Қӯрғонтеппа) — «Спитамен» (Спитамен), «Гвардия» (Душанбе) — ССКА «Помир» (Душанбе), 5-уми апрел «Хуҷанд» (Хуҷанд) — «Регар» ТадАЗ (Турсунзода) ва «Энергетик» (Душанбе) — «Парвоз» (Б. Ғафуров) бозӣ хоҳанд кард.