АҲОЛИИ ТОҶИКИСТОН 11 МИЛЛИОН МЕШАВАД?

                Душанбе, 12 март. (АМИТ «Ховар», Бекназари Абӯбакр). — Дар гузориши нави Созмони Миллали Муттаҳид оид ба афзоиши аҳолӣ омадааст, ки аҳолии курраи Замин то соли 2012 ба 7 миллиард нафар ва то соли 2050 ба 9 миллиард нафар хоҳад расид. Бино ба маълумоти ин гузориш, аксаран аҳолии кишварҳои дар ҳоли рушди Осиё ва Африқо афзоиш хоҳанд ёфт.                 Бояд гуфт, нуфуси кишварҳои сераҳолии ҷаҳон дар миёнаи солҳои 2010 то 2050 зиёдтар шуда, дар назар аст, ки аҳолии 45 кишвар ҳадди ақал то 10 фоиз коҳиш ёбад. Аз ҷумла, аҳолии Россия, Ҷопон, Италия, Кореяи Ҷанубӣ ва амсоли инҳо кам мегардад. Аҳолии Ҷумҳурии Тоҷикистон бошад, то соли 2050 беш аз 11 миллион нафар хоҳад шуд.