АЗ ӮҲДАИ РОНДАНИ НАҚЛИЁТ БАРОМАДА НАТАВОНИСТ

                    Душанбе, 5 март. (АМИТ «Ховар», Жасмин Назарова). — Дар ҳудуди ноҳияи Ғончӣ як садамаи нақлиёти марговар ба қайд гирифта шуд.                     Тавре ба АМИТ «Ховар» аз дафтари матбуоти Вазорати корҳои дохилии Ҷумҳурии Тоҷикистон иттилоъ доданд, тахминан соатҳои 17 ронандаи автомашинаи тамғаи «Газель» рақами қайди давлатиаш АВ46 78 РТ 02 Баҳовиддинов Баҳовиддин, соли таваллудаш 1988, истиқоматкунандаи шаҳри Хуҷанд, ҳангоми ҳаракат дар 20 км роҳи мошингарди Ғончӣ, посёлкаи Калининобод аз ӯҳдаи рондани нақлиёт баромада натавониста, дар натиҷа, автомашина ба тарафи рост чаппа мешавад. Мусофири дохили автомашинаи мазкур Усмонова Сабоҳат, соли таваллудаш 1968, истиқоматкунандаи ноҳияи Ашт ҷароҳати ҷисмонӣ бардошта, дар ҷои ҳодиса ба ҳалокат мерасад. Нисбати ин ҳодиса корҳои тафтишотӣ идома дорад.