БА ДУШАНБЕ БОЗ 36 АВТОБУСИ НАВ ОВАРДА ШУД

                      Душанбе, 10 март (АМИТ «Ховар», Наргис Бояхмедова). — Ба пойтахти мамлакат боз 36 автобуси нави тамғаи «ПАЗ» ворид карда шуд. Директори Муассисаи воҳиди давлатии коммуналии «Автобус — 1» Фирдавс Саидов ба АМИТ «Ховар» хабар дод, ки акнун ҳамаи 150 автобуси нави ба пойтахт овардашуда ба сокинон ва меҳмонони он хизмат мерасонанд. Автобусҳои нав нисбатан тезрав буда, сӯзишвориро камтар сарф менамоянд. Ҳоло дар муассиса 60 ронанда усулҳои идораи автобусҳои навро меомӯзад.                      Барои онҳо як автобуси таълимӣ ва 20 мураббӣ ҷудо карда шудаанд.                      Ф.Саидов зикр намуд, ки муассиса ба бештар аз 200 ронандаи автобус ва нозирони ботаҷрибаи аз 21 -сола боло эҳтиёҷ дорад.