БА ФАЪОЛИЯТИ МИЛИТСИЯ АЗ КАМШАВИИ ҶИНОЯТ БАҲО МЕДИҲАНД

                      Душанбе, 25 март. (АМИТ «Ховар», Лаззат Диловарзод).- Дар моҳи январ-феврали соли 2009 дар ҳамаи минтақаҳои ҷумҳурӣ ҷинояткорӣ 9,4 фоиз кам шудааст, ғайр аз вилояти Хатлон, ки дар он ҷо ҷиноят 3,4 фоиз афзоиш ёфтааст,-иброз доштанд дар Вазорати умури дохила ба мухбири АМИТ «Ховар».                     Дар ду моҳи соли 2009 шумораи ҷинояткорӣ дар ноҳияи Файзобод 40 фоиз, шаҳри Роғун -25, ноҳияи Турсунзода -24,3 ноҳияи Рӯдакӣ- 12,7 ва дар ноҳияи Рашт 7,7 фоиз ба қайд гирифта шудааст.                     Шумораи ба қайд гирифтани ҳодисаҳои ҳуҷуми роҳзанона 75 фоиз, одамкушии барқасдона ва сӯиқасд ба одамкушӣ -54,5, ғоратгарӣ-29, 4 ва қаллобӣ 27, 7 фоиз кам шудааст. Дар ин муддат дуздии амволи хонаҳо 2,7 фоиз зиёд шудааст.                      Талаботи роҳбарияти вазорат нисбат ба фаъолияти нозирони минтақавӣ зиёд мегардад. Дар навбати худ, вазорат барои мубориза бар зидди ҷинояткорӣ ҳамкориро бо омма беҳтар месозад.