БА КӮЛОБ ЕВРО ИНТИҚОЛ ДОДА МЕШАВАД

                Душанбе, 17 март. (АМИТ «Ховар», Лаззат Диловарзод).- Дар шаҳри Кӯлоб панҷ шӯъбаи асосии банкҳои ҷумҳурӣ фаъолият менамоянд. Бино ба иттилои намояндагии бонкҳои шаҳри Кӯлоб, интиқоли маблағи муҳоҷирони меҳнатӣ бо рубли русӣ нисбат ба ҳамин давраи соли 2008 ба андозаи 16 миллион рубл зиёд шудааст.                  Бино ба иттилои ҳамин манбаъ, интиқоли маблағи муҳоҷирон дар зарфи ду моҳи аввали соли ҷорӣ бо евро сурат гирифт.                  Ба кризиси молиявии ҷаҳонӣ нигоҳ накарда, воридоти маблағ дар ҳамаи шӯъбаҳои бонкҳои минтақаи Кӯлоб ба қайд гирифта шудааст. Дар давоми моҳҳои январ-феврали соли ҷорӣ ба бонкҳои шаҳру ноҳияи ин минтақа беш аз 7 млн. доллар маблағ ворид шудааст.