БАРНОМАҲОИ ИДОНА

                    Душанбе, 19 март. (АМИТ «Ховар», Лутфия Эшонқулова).- Аз 20 то 31 март муассисаҳои театрию консертии ҷумҳурӣ бахшида ба иди Наврӯз барномаҳои ҳунариро ба нақша гирифтаанд.                     Тавре ба мухбири АМИТ «Ховар» дар маркази матбуотии Вазорати фарҳанги ҶТ хабар доданд, 20 март дар Театри давлатии академии Опера ва Балети ба номи С. Айнӣ барномаи консертии ҳунарпешагони театр баргузор мегардад.                    Дар театри драмавии ба номи А. Лоҳутӣ — намоишномаҳои «Офати нафс», «Нангбардори Хуҷанд» ва «Мурғи Ҳумо», дар Театри драмаи русии ба номи В. Маяковский — намоишномаи «Ҷунун. Соли 93», дар Театри ҷавонони ба номи М. Воҳидов — намоишномаҳои «Рустам ва Сӯҳроб», «Чашмони бародари қиёматӣ», «Бойи мокиёнхӯр», дар Театри лўхтак намоишномаи «Дўсти ман аз Гулобод» пешкаши тамошобинон хоҳад шуд. Ҳамчунин Филармонияи давлатии Тоҷикистон ба номи А. Ҷўраев, Муассисаи давлатии сафарию ҳунарии «Базморо», Ансамбли давлатии хизматнишондодаи рақсии «Лола» ва Маркази эҷодии «Илҳом» аз 21 то 29 март дар шаҳри Душанбе ва дигар навоҳии ҷумҳурӣ баҳри болидарӯҳии шаҳрвандон гузаронидани барномаҳои консертиро дар нақша доранд.