БАРРАСИИ МАСЪАЛАҲОИ ҲАМКОРИИ ТОҶИКИСТОН ВА СҲШ ДАР ДУШАНБЕ

                        Душанбе, 25 март. (АМИТ «Ховар», Людмила Дубинина). — 31 март дар Маркази тадқиқоти стратегии назди Президенти Тоҷикистон бахшида ба масъалаҳои вазъияти имрӯза ва нақшаҳои ояндаи хамкории Тоҷикистон бо Созмони ҳамкории Шанхай конфронси байналхалқии илмӣ ва амалӣ баргузор мегардад.                         Сардори раёсати сиёсати берунии Марказ Абдунабӣ Сатторзода ба АМИТ «Ховар» хабар дод, ки дар конфронс масъалаҳои марбут ба проблемаҳои мавҷудаи ҳамгироии минтақавӣ, ҳамкории иқтисодии Тоҷикистон бо давлатҳои аъзои СҲШ ва ба роҳ мондани мубориза ба муқобили терроризм бо роҳҳои тақвияти ҳамкории молиявӣ дар ин созмони мӯътабар баррасӣ карда мешаванд.                         Дар конфронс кормандону мутахассисони пажӯҳишгоҳҳои илмӣ ва таҳқиқотии Тоҷикистон ва мамлакатҳои дигар маърӯзаҳо хоҳанд кард.