БЕМОРИҲОИ СИРОЯТӢ КАМ МЕГАРДАД

                   Душанбе, 25 март. (АМИТ «Ховар», Лаззат Диловарзод).- Тибқи маълумоти маркази матбуоти Вазорати тандурустии ҷумҳурӣ, дар моҳҳои январ- феврали соли 2009 дар ҷумҳурӣ 3194 ҳодисаҳои ба бемориҳои сирояткунанда гирифтор шудани аҳолӣ ба қайд гирифта шудааст, ки дар муқоиса ба ҳамин давраи соли 2008 12 фоиз кам аст.                   Дар ин давра гепатити шадиди сироятӣ 37,5 фоиз ва бемориҳои шадиди рӯда 26,3 фоизи шумораи умумии бемориҳои сирояткунандаро ташкил додааст.                    Дар моҳи январи соли 2009 2169 ҳодисаҳои ба бемориҳои паразиторӣ гирифтор шудани аҳолӣ ба қайд гирифта шудааст, ки нисбат ба ҳамин давраи соли 2008 37,2 фоиз зиёд аст. Аз ҷумла, сулфакабутак 3 баробар, домана 140,6 фоиз, гепатити В 1,7 баробар ва гепатити С 2,2 баробар зиёд шудааст.