БЕШ АЗ 30 ДЕҲАИ ДАНҒАРА ТАҒЙИРИ НОМ МЕКУНАД

                        Душанбе, 12 март.(АМИТ «Ховар», Марзия Саидова).- Бо пешниҳоди Ҳукумати Ҷумҳурии Тоҷикистон ва Қарори Маҷлиси миллии Маҷлиси Олии Ҷумҳурии Тоҷикистон ва илтимосномаи Маҷлиси вакилони халқи вилояти Хатлон 38 деҳаи ноҳияи Данғара, 4 деҳот ва 6 деҳаи ноҳияи Панҷи вилояти Хатлон тағйири ном мекунанд.                        Ҳамзамон, тибқи пешниҳод ва Қарори мазкур дар шаҳри Ваҳдат шаҳраки Нӯъмон Розиқ ва дар ноҳияи Тавилдара деҳоти «Вахиё» таъсис дода мешаванд.                        Раиси Кумитаи Маҷлиси миллии Маҷлиси Олии ҷумҳурӣ Мӯним Холиқов масъалаҳои мазкурро шарҳ дода гуфт, ки иқдоми мазкур бо мақсади ҳифзи манфиатҳои миллӣ, абадӣ гардонидани хотираи неки шахсиятҳои барҷастаи миллати тоҷик ва эҳёи номҳои таърихию ҷуғрофӣ мебошанд.